სტრატეგიები.


ინდივიდუალური სწავლის სტილი და მასზე დაკვირვების სტრატეგიები
•დაუკვირდით, რა უწყობს ხელს თქვენს შვილს უკეთ სწავლაში. ადამიანები განსხვავდებიან ერთმანეთისგან სწავლის სტილით, მიუხედავად იმისა, აღენიშნებათ მათ გამოხატული დასწავლის სირთულეები, თუ - არა. ზოგიერთი ადამიანი უკეთ სწავლობს, როდესაც ხედავს ან კითხულობს, ზოგიერთი უკეთ იმახსოვრებს მოსმენით ან კეთებით. დააკვირდით თქვენ შვილს და გაარკვიეთ, რომელი სწავლის სტილის გამოყენებისას უფრო უკეთ ახდენს კონცენტრირებას და მეტი ინტერესი უჩნდება მეცადინეობის პროცესის მიმართ.
•არსებობს სწავლის სამი წამყვანი სტილი. ესენია: ვიზუალური ანუ მხედველობითი, აუდიტორული ანუ მოსმენით და კინესთეტიკური ანუ მოქმედებებით სწავლა. როგორც კი მიხვდებით, თქვენი შვილისთვის რომელი სწავლის სტილია წამყვანი, ეს დაგეხმარებით მისთვის სწავლის პროცესი გახადოთ უფრო სასიამოვნო და ეფექტური.

ქვემოთ განხილულია თითოეული სწავლის სტილისთვის დამახასიათებელი ნიშნები:
თუ თქვენი შვილისთვის წამყვანია ვიზუალური, მხედველობით მიწოდებული ინფორმაციით სწავლება:

•ის უკეთ სწავლობს, როდესაც რაღაცას უყურებს ან თვითონ კითხულობს;
•უკეთ იგებს და იმახსოვრებს მასალას, როდესაც ტექსტს ახლავს ვიზუალური მასალასაც, მაგალითად, სურათები;
•უკეთ იგებს ინფორმაციას, თუ მას მოყვება ვიზუალური ცხრილები, რუქები, დიაგრამები;
•მასალის განხილვის დროს მოსწონს, როცა თვითონ ხატავს ან აკეთებს ჩანაწერს მიწოდებულ ინფორმაციაზე დაყრდნობით.

თუ თქვენი შვილისთვის წამყვანია სმენით მიწოდებულ ინფორმაციით სწავლება, მაშინ:
•ყველაზე ადვილად სწავლობს მოსმენით;
•ყველაზე კარგად იგებს და იმახსოვრებს ინფორმაციას, როდესაც გაკვეთილი არის სალექციო ტიპის, ადვილად სცემს პასუხებს ტესტებს თუ ზეპირად ეკითხებიან;
•უკეთესად სწავლობს, როდესაც ერთვება საკლასო დისკუსიებში, ჯგუფთან ერთად განიხილავს საკითხს;
•შეიძლება მოსწონდეს მუსიკა, სხვადასხვა უცხო ენა, წარმოდგენებში მონაწილეობის მიღება, სცენაზე გამოსვლა.
თუ თქვენი შვილისთვის წამყვანია კინესტეთიკურად, მოძრაობების საშუალებით სწავლა, მაშინ:
•უკეთ სწავლობს კეთებით და მოძრაობით;
•უკეთ სწავლობს, როდესაც შეუძლია ხელით შეეხოს, შეისწავლოს, გამოიკვლიოს, თვითონ შექმნას;